Bakstur og tölvupuð

Tölvumeistarinn að vinna við $&%$#%$# tölvudrasið
Originally uploaded by elinbua.

Þessi blessaði tölvuskratti sem við eigum er enn að leika okkur grátt. Það virðist vera að það geti ekki allir fítusar virkað í henni í einu. Svo ef það er installað nýjum hlutum klikkar eitthvað annað og annað gengur til baka. Ég hef dáðst að þolinmæði hans Guðjóns, hann er búinn að sitja yfir tölvunni næstum alla helgina og reynt að laga tölvuna og núna virðist allt virka....sjáum hversu lengi þetta helst, annars fær hún að fjúka út um gluggann....

Maður er ekki húsfrú með húsfrúm nema að baka fyrir húsbóndann á aðventunni. Agla kom yfir á laugardag í helgarheimsókn og við hrærðum í nokkrar smákökur, súkkulaðibitakökur, snikerskökur og appelsínukökkur. Þannig að það verður á boðstólnum hérna kaffi og með´í alla aðventuna ;) Eftir nokkuð gott dagsverk í smákökubaksrinum var endað daginn á að broða home made pizzu og svo farið í bíó að sjá Harry Potter, alveg ágætis mynd þar á ferð... það er þá líklega orðið tímabært að klára 5. bókina, amk. áður en næsta mynd verður sýnd ;)

Það er orðið mjög jólalegt um að litast hérna í Malmö því í dag voru jólaljosin kveikt og miðbærinn iðaði af lífi, búið að setja upp litla jólalega kofa á göngugötuna þar sem selt er eitt og annað til jólanna auk bakkelsis og jólaglöggs. Það er alveg brill að fá loksins jólaljósin til að lýsa upp skammdegið og vetrarkuldann.... já veturinn er kominn með léttum kulda og einstaka snjókorni.

Á morgun ætlum við að skreppa til Helsingborgar í verslunarleiðangur. Guðjón er í fríi og ég er líka í "fríi", það er alla vega ekki skóli hjá mér fyrr en á föstudag. Vonandi náum við að klára sem mest af jólagjafainnkaupunum....